احمدینژاد پرموته که حضرت رهبرا گُوَشته که یارانهآنی زر امام زمانِی زرانت و برکت دارنت.
حَبَر، یِ رنگنت که امام زمان شه جمکرانی چهِتا دستَ پرینیت به خزانگِ غیبِ تها که زر زوریت. بُرِی برکت هم بجِه بِجِه وترا رسینیت برایی مبارکِین دستا که متبرک بَیَنت. رهبر که امام زمانی نمایندهانت یِشِرا گندیت. احمدی نژاد که واجهه نمایندهانت خبرَ بیت و ما را که هیچکسی نماینده نیستن حال دنت.
هنون اگه پولِی که امام زمانَ دنت کمِنت و کیمت برِی ملکِی تا پنج برِیبِرانت شُمِی دلا نباید شِرِه بِگُوَزیت که امام غایب دستی کُرته شمی کیتُوِی تها که شمی پولانَ بارت و یا خدای نکرده مبارکِین پول یارانهآنی بِی برکتانت.
یِ غَشِانت که شیطانیَ کَنت. غَش شیطانَانت که لو ٹیت به برکتِ جانا که امام زمانِی هستنات بکپیت. یِ وت یک مسله شرعی هستانت که الله تبارک و تعالی کیامتِی روچا آرا حل و پصله کنت. یِشِرا غرب و آیی مال و حال دانَ نزانانت. لو ٹنت هما را بکشّانت وتی سڑِکِ سرا که ما مدام پدا مانن. هنون شما وتی وضیاتا روشن کنات. غربی هستو یا امام زمانی؟ غَژی هستو یا برکتی؟ گُ طرحِ هدفمند کُرتنا یارانهآنی که طرح پول داتان امام زمانانت به مردمان موافقُ یا مخالف؟
