احمدی نژاد گُوَشته پَکّا زانت که امام زمان یه جریان هدفمند کرتنا یارانهآنی به وتی دستا گپته و آیی واهندنت.
من نزانین امام زمان چنکه شه دنیا و مال و منالا زانت بلینا دیمترا که حضرت ابوالفضل به ورزشا و امام زمان به سیاستا دخالتش کرت زبرن چیزی نصیبش نکرت. البته ورزش و سیاست ندرنت پرا واجها که دنیا شایی لایکن نام پرنت و هر پَچکِی شایی سر و چیرنت.
دنیایِ مال و حال کمی چپ وچو ٹنت. دیستو که، په حضرت امامی پرمایشا که گُوَشتی مال و حال و دنیا حرِیانت؛ حر گوازی در هاورت. نرخانی کشِّت ته آسمانا. مروچی هم گندت که بی برکتی چمَ کشیت و پروای هم په امام راحل و آیی میراثا نداریت.
زانین که دنیا مانیت و رَوَگِی جایِنت و مُسلمان باید وتی آ دنیای پکرا بیت و جوابی په نکیر و منکرا داشته بیت ولینا ترسین که اگه یارانهآنی طرح خراب بیت گڑا مسلمان برچَنت خیابانانی تها و دِیمُن به دیوالا پریاد کنن: بر پدرا یه طرحیی واهوندا نعلَت.
